Kreu i Foltores në Partinë Demokratike, Sali Berisha, e ka cilësuar të paarsyeshme thirrjen e të birit, Shkëlzen Berisha sot në SPAK për një çështje të 15 viteve më parë.
i ftuar këtë mbrëmje në emisionin “Open”, Berisha tha se thirrja e djalit të tij sot, është bërë për të larguar vëmendjen nga ajo që ai e quaj “superskandali Rama-McGonigal”
“Të jem i sinqertë, e kam marrë vesh nga mediat që djali im është thirrur në Prokurori. Këtë nuk më kishte thënë që sot ishte i thirrur në SPAK.
Problemi është i tillë, ekziston një faks, që origjinali nuk është gjetur kurrë, i dërguar nga MD në MB, ku shkruhet se kjo t’i jepet Shkëlzenit, jo Shkëlzen Berishës, por Shkëlzenit.
Aldo Bumçi e mohon dhe ka hapur padi për këtë faks, në të cilin i falsifikohet firma. Prokuroria në vend që të hetojë, nuk ka hetuar deri sot dhe thërret Shkëlzenin. Hetimi i parë është për ish-ministrin që deklaron se më kanë falsifikuar shkrimin.
Sekretarja ka bërë dëshminë e saj në gjykatë. Po si sekretarja shprehet në emër të ministrit, është në skemë manipulimi”, tha Berisha.
