Sali Berisha ka deklaruar se është kundër rritjes së pagave duke nisur nga deputetët. Ky vendim bie në kundërshtim me cka ka ndodhur në komisionin e Ekonomisë, ku një ditë me parë deputetët e tij kishin votuar pro rritjes së pagës së tyre.
“Ne do bëjmë në parlament një betejë të fuqishme për të mos filluar nga rritja e rrogave për deputetët dhe ministrat, por duke filluar me minimumin jetik“-tha Berisha.
Ndonëse në Komisioni e Ekonomisë duart e opozitarëve u ngritën lart, rritja e pagave nuk do të jetë një akt konsensual në seancë plenare të së enjtes.
Ndryshe nga sa premtoi në fushate Sali Berisha nuk është më u gatshëm të bashkojë vota me socialistët pa u garantuar më parë minimum jetik.
“Minimumi nënkupton që nuk ka shqiptar që nuk do ketë të paktën 200 euro për pagën e tij. Ndaj dhe ne do të kërkojmë në mënyrë të prerë, hapi i parë drejt rritjes së rrogave duhet të fillojë me vendosjen e minimumit jetik“-tha Berisha.
Para deputetëve qe e mbështesin Sali Berisha vuri sërish gishtin në plagë duke kërkuar hetim parlamentar për humbjen e 14 majit.
“Duhet me urgjencë të përgatisim kërkesën për komision hetimor parlamentar për këtë farsë, më e turpshmja elektorale në historinë e Europës. Ky komision do i tregojë shqiptarëve dhe botës të vërtetën e kësaj farse.“-tha Berisha.
m.b/dita
