Çmimet e naftës ranë të ndikuara nga shqetësimet e rritjes më tej të normës bazë të interesit nga Rezerva Federale e SHBA-së. Nafta në bursën amerikane ra me 56 cent ose 0,7%, duke arritur nivelin e 79,77 dollarë për fuçi, ndërsa nafta në bursën e Londrës u ul me 63 cent, duke arritur në 76,15 dollarë për fuçi. Faktor tjetër për rënien është ulja e prodhimit të fabrikave kineze pasi OPEC+ njoftoi ulje të prodhimit ditor duke nisur nga ky muaj.
“Perspektiva e rritjes së mëtejshme të normave të interesit që do të njoftohet nga Rezerva Federale këtë javë pritet të nxisë paqëndrueshmëri afatshkurtër të çmimeve”, tha Baden Moore, nga Banka Kombëtare e Australisë.
Rezerva Federale pritet të rrisë normat e interesit me 25 pikë bazë këtë javë. Banka qendrore e SHBA ka rritur normën e interesit me 475 pikë bazë që nga marsi i vitit të kaluar.
“Pas shkurtimeve të fundit të prodhimit ditor të naftës nga OPEC-u, ne besojmë se tregu i naftës do të jetë në deficit gjatë pjesës së mbetur të tremujorit të dytë, i kombinuar me një rritje sezonale të kërkesës së Kinës. Kjo mund të sjellë çmime më të larta”, shprehet Baden Moore.
Nga ana tjetër edhe aktiviteti i industrial në Japoni, ekonomia e tretë më e madhe e botës, u tkurr për të gjashtin muaji radhazi në prill. Ekspertët shprehen gjithashtu se një rënie e çmimeve të naftës vjen edhe për shkak të frikës nga recesioni në shumë ekonomi të botës.
o.j/dita
