Inteligjenca Artificiale (AI) është këtu për të qëndruar. Kohët e fundit jemi dëshmitarë të kapaciteteve të mëdha që po përvetëson dhe sesi pak nga pak po bën rrugën e saj të përditshme në fusha të ndryshme.
Qendrat e mësimdhënies tashmë po përpiqen t’i japin fund praktikës së re të disa studentëve që kërkojnë nga ChatGPT të zgjidhë detyrat e shtëpisë. Disa kompani e kanë përfshirë tashmë atë si një mjet tjetër pune.
Por, a do të jenë në gjendje të zëvendësojnë njerëzit?
I fundit që ka marrë një qëndrim për këtë çështje ka qenë themeluesi i ‘Microsoft’, Bill Gates. Parashikimi i tij i radhës është mëse pesimist, për të mos e quajtur të zi.
Ai beson se ka një sërë profesionesh që do uzurpohen nga Inteligjenca Artificiale, shumica e të cilave lidhen me botën e letrave, pra intelektit.
Nuk është i vetmi që mendon kështu. Ka disa ekspertë që besojnë se AI do të jetë në gjendje të lërë pa punë shumë profesionistë me diplomë universitare.
Detyrat që preken nga kjo, sipas themeluesit të Microsoft, janë si më poshtë, sipas sektorëve:
-Ekonomi: Kontabilistë
-Arsimi: mësues, profesorë dhe personel tjetër mësimdhënës
-Administrata: asistentët dhe sekretarët
-Komunikimi: reporterët, analistë lajmesh, gazetarë
-Letërsia: shkrimtarë dhe korrektorë
Ky ndryshim, në çdo rast, nuk ka pse të jetë i pashmangshëm. Manjati thotë se për të ruajtur angazhimin njerëzor këta sektorë do të duhet të përshtaten me përfshirjen e kësaj teknologjie dhe të ristrukturojnë vendet e tyre të punës.
Frika nga inteligjenca artificiale
Dimensionet që po arrin kapaciteti i AI kanë filluar të trembin disa. Përfshirë “kumbarin” e tij, Geoffrey Hinton, një nga pionierët në këtë çështje. Ai ka lënë pozicionin e tij në Google. Vendimi i tij është i motivuar nga përdorimet që mund t’i jepen Inteligjencës Artificiale.
“Është e vështirë të parashikohet se si do t’i parandalojmë njerëzit e këqij, që ta përdorin atë për veprime të këqija”, tha ai në një intervistë me ‘The New York Times’.
Ai shprehu frikën se në një afat të shkurtër rrjeti do të mbushet me foto, video dhe tekste false të gjeneruara nga AI, siç ka filluar të ndodhë tashmë.
a.q./dita