Biznesmeni Ardian Nikulaj ruhej nga një sulm i mundshëm prej disa vitesh dhe madje për këtë qëllim kishte blerë makinë të blinduar, zakonisht qëndronte i vetëm në local duke pirë kafe që të mos shkaktoheshin viktima të pafajshme në rast atentati dhe për më tepër me një skedë hasmërie të qartë.
Lidhur me vrasjen e biznesmenit Ardian Nikulaj në Shëngjin, policia ka kryer kontrolle në 3 banesat e familjes Balaj në Lezhë, duke bërë dhe 4 shoqërime. Ngjarja ndryshohet se lidhet me një konflikt të vjetër, në vitin 2000, ku anëtarë të familjes Balaj kanë ekzekutuar vëllanë e Ardian Nikulajt. Pas kësaj vrasjeje, në Lezhë janë ekzekutuar në një atentat dy anëtarë të familjes Balaj, ngjarje ende e pazbardhur. Në vitin 2003 viktima ka qenë i arrestuar dhe dënuar me 4 muaj burg për vrasje. Por vetëm disa vite më pas vritet edhe vëllai i dytë i familjes Nikulaj. Me kalimin e viteve gjërat duket sikur janë qetësuar, teksa Nikdulaj merrej me biznesin e ndërtimit dhe politikë njëkohësisht.
Autori i krimit të sotëm ka qëlluar plot 6 herë, pasi kjo vërtetohet në gjetjen e 6 gëzhojave në vendin e ngjarjes .Ndërsa viktima ka marrë vetëm një plumb në ballë. Autori rezulton të ketë përdorur një armë zjarri pistoletë tip TT. Viktima e ditës së ishte një figurë mjaft e njohur në Lezhë, i cili prej disa vitesh qëndronte dhe qarkullonte lirshëm në Lezhë dhe Shëngjin.
Ndërkohë në kuadër të hetimeve me qëllim zbardhjen e ngjarjes, policia ka shkuar në tre banesa të familjes Balaj në Lezhë. Nuk janë gjetur në banesë, asnjë prej familjarëve dhe djemve.Ata ndodhen jashtë shtetit dhe pretendimi i tyre është konfirmuar dhe nga TIMS, që tregon daljen e tyre jashtë shtetit disa vite më parë.
