Shefja e politikës së jashtme evropiane, Kaja Kallas, tha se vendet anëtare të BE-së ka të ngjarë të mos arrijnë një marrëveshje mbi një paketë të re sanksionesh kundër Rusisë sot.
“Bllokimi i Hungarisë e bëri të qartë se nuk do të arrihej konsensus mbi masat e propozuara në takimin e sotëm të ministrave të saj të jashtëm”, u tha Kalas gazetarëve.
Mediat e huaja shkruajnë se, Budapesti njoftoi dje se do të bllokojë miratimin e paketës së 20-të të sanksioneve evropiane kundër Rusisë për shkak të ndërprerjes së furnizimeve të naftës ruse përmes tubacionit Drujba.
Bashkimi Evropian propozoi sanksione të reja kundër Rusisë në fillim të shkurtit kundër sektorit bankar dhe atij të energjisë. Paketa e re e sanksioneve do të jetë e njëzeta që nga fillimi i sulmit rus ndaj Ukrainës më 24 shkurt 2022. Propozohen gjithashtu ndalime të reja për importet dhe eksportet.
j.l./ dita
