Janë rreth 10 mijë foshnja të lindura në tre muajt e parë të këtij viti, që janë trajtuar me “Bonusin e bebes” në vendin tonë.
Sipas autoriteteve të shëndetit, që prej fillimit të këtij programi universal në janar tw vitit 2019, më shumë se 167 mijë fëmijë kanë përfituar bonusin e bebes, një mbështetje direkte kjo për familjet që gëzohen me fëmijë.
Ndihma e menjëhershme financiare (bonusi) për prindërit me foshnja të porsalindura është në masën 40 mijë lekë për lindjen e foshnjës së parë, 80 mijë lekë për lindjen e foshnjës së dytë, 120 mijë lekë për lindjen e foshnjës së tretë dhe të foshnjave të tjera në vijim. Për prindërit që sjellin në jetë dy foshnja të lindura njëherësh (binjakë), masa e përfitimit do të jetë në masën 80 mijë lekë për secilën foshnjë, ndërsa për prindërit që sjellin në jetë më shumë se dy foshnja të lindura njëherësh (trinjakë dhe më shumë) masa e përfitimit do të jetë në masën 120 mijë lekë për secilën foshnjë.
p.k\dita
