Francë-Spanjë është gjysmëfinalja e parë e Botërorit 2026. Në Dallas do të luhet supersfida mes dy gjigandëve evropiane ku në lojë është një vend në aktin e fundit të këtij kompeticioni, finalen e 19 korrikut.
Në çerekfinale Blutë mposhtën Marokun ndërsa La Roja eliminoi Belgjikën dhe tani vihen sërish përballë njëra-tjetrës si përpara dy vitesh në gjysmëfinalen e Euro 2024. Dhe do të jetë sërish dueli i yjeve mes Kylian Mbappe dhe Lamine Yamal.
Në këtë supersfidë në njërë anë është skuadra e cila gjatë gjithë kohës është konsideruar si favoritja kryesore për triumfin final, ajo që ka shumë pak pikë të dobëta. Por përballë Franca do të ketë pikërisht kriptonitin e saj duke qenë se në dy ndeshjet e fundit kundër La Roja ku në lojë ishte një vend në finale(Evropiani e Nations League), fitorja ka anuar nga ana e të besuarve të De La Fuentes.
Në 5 qershor të 2025, Spanja fitoi 5-4 në gjysmëfinalen e Nations League, me La Roja që deri në minutën e 55 ishte me avantazhin 4-0. Edhe në atë rast, ishte sfida mes Yamal dhe Mbappe me futbollistët që lanë gjurmët e tyre në këtë ndeshje; i pari shënoi një dygolësh, i dyti vetëm 1 dhe tani do të kërkojnë të jenë sërish vendimtarë për skuadrat e tyre respektive. Në Euro 2024, Franca dhe Spanja sërish u përballën mes tyre dhe sërish në një gjysmëfinale me La Roja që fitoi 2-1 me këtë të fundit që mposhti edhe Anglinë e Harry Kane në finale.
Por ky Botëror po tregon një tjetër histori. Sepse edhe pse më një diferencë të vogël, avantazhi është në anën e skuadrë së Deschamps që në këtë turne ka shfaqur shumë pak pika të dobëta. Asnjë gol i pësuar në ndeshjet me eliminim direkt, ka marrë para edhe rivalë si Norvegjia(edhe pse kjo luajti me rezervat), Suedia e sidomos Maroku. Ndërsa La Roja vuajti me Portugalinë e Cristiano Ronaldos e Belgjikën duke i kaluar të dyja falë golave të shënuar në castet e fundit nga Merino. Çdo ndeshje duhet luajtur dhe nga ana tjetër janë gjithsesi Anglia apo Argjentina, por ndjesia është se nga kjo gjysmëfinale do të dalë favoritja e vërtetë për trofeun
Franca pritet të rikuperojë Tchouameni, gati për t’u rikthyer në skeman 4-2-3-1 së bashku me Rabiot pas fantazisë transalpine të përbërë nga Dembélé, Olise e Doué në mbështetje të Mbappe. Në krahun tjetër, De La Fuente duket se mendon të mbajë të njëjtin formacion si në çerekfinalen ndaj Belgjikës.Merino do të nisë lojën nga pankina me Fabian Ruiz titullar.
j.l./ dita
