Miliona brazilianë votojnë sot në zgjedhjet e përgjithshme, ku gara për presidencën është përqendruar kryesisht te presidenti aktual Luiz Inacio Lula da Silva dhe kandidati i djathtë Flavio Bolsonaro, djali i ish-presidentit Jair Bolsonaro.
Lula, 80 vjeç, kërkon një mandat të katërt presidencial jo të njëpasnjëshëm, ndërsa Flavio Bolsonaro, senator dhe 45 vjeç, synon të vazhdojë trashëgiminë politike të babait të tij. Në garë janë gjithsej 12 kandidatë, por dy emrat kryesorë janë Lula dhe Bolsonaro.
Sipas sondazheve të fundit, gara pritet të jetë e ngushtë dhe asnjëri prej kandidatëve kryesorë nuk duket se është në pozita për të siguruar më shumë se 50% të votave në raundin e parë. Nëse asnjë kandidat nuk arrin shumicën, raundi i dytë do të zhvillohet më 25 tetor.
Kjo zgjedhje zhvillohet katër vjet pas përballjes së Lula-s me Jair Bolsonaro-n. Në vitin 2022, Lula fitoi ndaj ish-presidentit me një diferencë shumë të ngushtë, ndërsa pas zgjedhjeve pasuan protesta dhe trazira që kulmuan me sulmin e mbështetësve të Bolsonaro-s ndaj institucioneve shtetërore në Brasilia.
Jair Bolsonaro nuk kandidon në zgjedhjet e këtij viti. Ai është i dënuar me 27 vite burg për përpjekjen për të përmbysur rezultatin e zgjedhjeve të vitit 2022. Djali i tij, Flavio, është tashmë kandidati kryesor i kampit politik të familjes Bolsonaro.
j.l./ dita
