Aktiviteti ekonomik ka vijuar të rritet me ritme të qëndrueshme në muajt e parë të vitit.
Këtë tregon raporti 3-mujor i politikës monetare të Bankës së Shqipërisë. Parashikimet e Bankës Qëndrore sugjerojnë se inflacioni do të vijojë rënien graduale gjatë këtij viti dhe do të kthehet në objektiv brenda gjysmës së parë të vitit 2024.
“Ekonomia shqiptare ka një ndër performancat më të mria në vendet e rajonit. Reagimi i shpejtë i politikës monetare ka bërë që inflacioni të bie dhe ky reagim nuk ka cënuar trendin pozitiv të rritjes ekonomike të vendit”.
Parashikimet sugjerojnë se ekonomia shqiptare do të vijojë të rritet.
“Gjatë vitit 2023 ne presim një ngadalëzim të lehtë të rritjes ekonomike, po gjithsesi është një zhvillim pozitiv, mbështetur nga rritja e konsumit familjar, rritja e investimeve të seKtorit privat, edhe eksportet do të vijojnë të rritet”.
Sipas Bankës së Shqipërisë trendi forcues i kursit të kembimit të Lekut ndaj Euros ka ndihmuar në kontrollin e politikës monetare.
“Nëse nuk do kishim këtë kurs këmbimi do kishim një nivel më të lartë të normës bazë të interesit”.
Megjithatë presionet e brendshme inflacioniste mbeten të larta dhe përmbushja e objektivit të stabilitetit të çmimeve mund të kërkojë një normalizim të mëtejshëm të qëndrimit të politikës monetare në të ardhmen.
o.j/dita
