Një vrimë e zezë supermasive në qendër të një galaktike, nisi një “avion” të fuqishëm materieje larg saj dhe astronomët e kapën atë në kamera.
Studiuesit vunë re ‘avionin’ (rrymë materieje), duke u nisur nga vrima e zezë në qendër të galaktikës Messier 87 (M87) (vrima e parë e zezë që është fotografuar ndonjëherë) duke përdorur Global Millimeter VLBI Array (GMVA) dhe Teleskopin e Grenlandës.
Fotografia tregon një masë të fuqishme energjie që nxirret jashtë me shpejtësinë e dritës nga vrima e zezë supermasive. Këta ‘avionë’, ndodhin pasi vrimat e zeza konsumojnë objekte qiellore, si yjet dhe planetët, që fluturojnë pas shpërbërjes.
M87 është afërsisht 55 milionë vite dritë larg nga sistemi ynë diellor. Kjo shënon herën e parë që kapen imazhe të tilla. Studiuesit thonë se kjo paraqet një mundësi shumë unike për të studiuar se si formohen saktësisht këto ‘avionë’ dhe çfarë ndodh kur ato dëbohen nga vrimat e zeza.
“Ne e dimë se avionët janë nxjerrë nga rajoni që rrethon vrimat e zeza, por ende nuk e kuptojmë plotësisht se si ndodh kjo në të vërtetë”, tha Ru-Sen Lu, një astronom nga Observatori Astronomik i Shangait në Kinë, i cili ishte i përfshirë në kapjen e imazhit.
“Për ta studiuar këtë drejtpërdrejt, ne duhet të vëzhgojmë origjinën e avionit sa më afër të jetë e mundur me vrimën e zezë”, vijoi ai.
Në imazh, ju mund të shihni avionin e lidhur me kaosin rrotullues të materies rreth vrimës së zezë. Ndërsa M87 vazhdon të konsumojë trupa qiellorë rreth tij, kjo lëndë shndërrohet në energji dhe shfaqet si një unazë e ndritshme rreth errësirës të vetë vrimës.
Ekipi që qëndron pas imazhit tani shpreson që kërkimet e ardhshme do të shqyrtojnë mekanikën e saktë pas TDE dhe pse ato ndodhin. Tani për tani, ne të tjerët mund të kënaqemi me këto imazhe të mahnitshme dhe një ‘bukuri e frikshme’.
Më poshtë dhe video…
