Ish-deputeti i Partisë Socialiste, Ervin Bushati komentoi në një intervistë për Euronews Albania fushatën e PS me mbjellje pemësh. Ai tha se PS ka zgjedhur që të mos shpenzojë shumë në këtë fushatë dhe fondet të përdoren për të mbjellë pemë, në mënyrë simbolike.
Sipas Bushatit, PS nuk ka nevojë për mitingje pasi njerëzit e dinë çfarë është bërë në 4 vite, ndryshme me PD që i braktisi zgjedhjet. “Qytetarët e dinë çfarë programi kanë kandidatët e majtë, çfarë kanë arritur dhe çfarë do bëjnë. PS ka zgjedhur që të mos ketë takime të mëdha elektorale dhe fondet t’i shfrytëzojë shumicën në mbjelljen e pemëve. Është edhe simbolike, është edhe shumë e mirë. Në Tiranë fushata ka edhe një sens politik, ne kemi punuar, kjo është edhe mbyllje e punëve tona. Njerëzit e dinë çfarë është bërë në 4 vite, është ndryshme me PD që i braktisi zgjedhjet. Në PS mbillen pemë, Berishës i doli edhe Luli zarzavate”, ironizoi Bushati.
