Rreth çështjes “Negreira” në Spanjë, ka folur edhe Aleksander Ceferin. Presidenti i UEFA-s deklaroi se kjo është një çështje serioze. “Kam marrë informacionin e duhur, di të them që është një çështje shumë serioze. Është një nga gjërat më serioze që kam parë ndonjëherë në historinë e futbollit. Asgjë nuk ka përfunduar, ne do e hetojmë si rast”, u shpreh kreu i qeverisë europiane të futbollit.
Ish-arbitri profesionist spanjoll, Enriquez Negreira, ka përfunduar nën hetim për pagesa miliona euroshe nga drejtuesit e Barcelonës. Edhe pse u përfol për mundësinë e përjashtimit të skuadrës katalanase nga sezoni i ardhshëm në Champions League, pritet që Barça t’ia hedhë vetëm me sanksion ekonomik. UEFA i ka dërguar tashmë RFEF-së (Federata Spanjolle e Futbollit) një kërkesë për sqarim në lidhje me hetimet e kryera.
Nëse është shkelur neni 12, ai që detyron anëtarët e UEFA-s “të përmbahen nga çdo sjellje që dëmton ose mund të dëmtojë integritetin e ndeshjeve dhe garave” Barça do të rrezikonte seriozisht të përjashtohej nga Champions League.
Por kjo mund të shihet edhe si hakmarrje e UEFA-s ndaj Barcelonës, për shkak të pozicionimit të klubit në favor të zhvillimit të Superligës së Champions, një kompeticion rival i atij të organizmit të futbollit. Kjo edhe për shkakun se një tjetër klub pjesë e Superligës është Juvendut, që gjithashtu po vuan çështje hetimore dhe i janë hequr 15 pikë në kampionat, e ndaj të cilit UEFA mund të ndërhyjë për hetime e penalizim. I vetmi klub që UEFA duket se ka frikë të hakmerret, është promotori Real Madrid i kompeticionit rival të Champions, i drejtuar nga Fiorentino Perez.