Kryekomisioneri Ilirjan Celibashi ka thënë se rezultati i zgjedhjeve do të dalë brenda mbrëmjes të së martës. “Nuk do tolerojmë asnjë sjelle të komisionerit dhe numërimit dhe fundi i ditës së nesërme ne do kemi rezultatin e zgjedhjeve”, tha Celibashi. Kreu i KQZ, Ilirjan Celibashi sqaroi me detaje problematikat që janë hasur gjatë procesit të votimit në të gjithë territorin.
“Kemi konstatuar se në 11% të qv janë hasur vështirësi në gjetjen e qendrës së votimit. Kemi konstatuar që në 62 qv nga 5213 ka pasur shkelje për materiale propagandistike në një distancë prej 150 metra. Për procesin e votimit, kemi pasur pezullim në 40 qv. Është numër shumë i vogël se sa është propaganduar dhe është paraqitur si shqetësim. Për 30 qv është raportuar votim në grup, në 4 raste kemi marrë raportim për votim jashtë dhomës së fshehtësisë. Në 10% është përdorur lista në mënyrë manuale. Në 2 qv të bashkive që është votuar përmes sistemit elektronik është përdorur vetëm 1 nga 2 makinat dhe në të gjithë të tjerat procesi i votimit elektronik ka vijuar shumë mirë”, tha Celibashi.
