Mbi 3 orë e gjysmë në SPAK, Meta del nga Prokuroria e Posaçme.
Meta sqaroi se ishte thirrur në cilësinë e kundërshtarit të narko-shtetit.
“Jam pyetur në cilësinë e kundërshtarit të Dum Dumanin që nuk do të hetojë Mc Gonigal. Në vend të ndalojë Edi Ramën, inceneratorët, aferën e Durrësit, PPP që janë rrjedhje financiare, merret me laraskat.Po të doni kur të doni ju, tani po iki se kam sipërmarrje kam tryezën. Këtë do Dum Dumani, të mos merremi. Këtë detyrë i ka caktuar Rama, ne do shkojmë te sipërmarrja. U thirra si kundërshtar i narko regjimit”, tha Meta.
Presidenti i Partisë së Lirisë Ilir Meta u thirr në SPAK një ditë pas bashkëshortes së tij, Monika Kryemadhi.
Edhe kur u fut në Prokurorinë e Posaçme, Meta sulmoi sërish kreun e SPAK, Altin Dumanin. Një qasje totalisht ndryshe nga bashkëshortja e tij, e cila tha se ndahet me Metën për sulmet që adreson ndaj drejtësisë.
Për të njëjtën çështje, Kryemadhi u pyet për 5 orë ditën e djeshme, 12 qershor, ndërsa sa i takon akuzave për shpenzime marramendëse për operacionet plastike, Kryemadhi tha se s’ka asnjë ndërhyrje estetike, por ka bërë vetëm botoks.
Kjo është hera e tretë që Meta thirret në SPAK, dhe dy herët e para ka dhënë deklarime lidhur me hetimin për ÇEZ-DIA, hetime që po kryhen nga Altin Dumani dhe Enkeleda Millonai.
j.l./ dita
