Vaksina ndaj gripit përmban pjesë inaktive (virus të copëzuar jo të gjallë) të viruseve që mendohet se do qarkullojnë gjatë sezonit të gripit.
Sipas autoriteteve të shëndetit publik, vaksina ccdo vit është mënyra më e mirë parandaluese ndaj komplikacioneve të gripit, kjo veçanërisht tek grupet më të rriskuara.
- Publicitet -
Kundërtrupat krijohen në organizëm dy javë pas kryerjes së vaksinës, duke krijuar kështu mbrojtje ndaj infeksioneve të shkaktuara nga viruset të ngjashme, ose të njëjtë me ato me të cilat është prodhuar vaksina.
Autoritetet e shëndetit publik vënë sqarojnë se sa mirë vepron vaksina ndaj gripit apo aftësia e saj për të parandaluar sëmundjen e gripit, varion nga një sezon në tjetrin. Efektiviteti i vaksinës mund të ndryshojë edhe në varësi të individit që është vaksinuar. Të paktën dy faktorë luajnë një rol të rëndësishëm në përcaktimin e efektivitetit të vaksinës ndaj gripit, të cilat janë: së pari karakteristikat e individit që është vaksinuar si; mosha, shëndeti, etj, dhe së dyti, ngjashmëria apo përputhshmëria midis viruseve të gripit me të cilat vaksina ndaj gripit është prodhuar dhe viruseve të gripit që janë përhapur (apo qarkullojnë) në komunitet.
Arsyet pse çdo vit duhet aplikuar vaksina :
- Gripi është një infeksion viral akut, i cili përhapet lehtë nga njeriu tek njeriu.
- Gripi mund të prekë çdo njeri në çdo grupmoshë.
- Gripi sezonal është një problem serioz i shëndetit publik i cili shkakton gjendje të rëndë shëndetësore, shtrime në spital dhe deri në vdekje tek grupet me risk të lartë.
- Çdo njeri mund të sëmuret shumë rëndë me grip, duke përfshirë edhe njerëzit të cilët janë të shëndetshëm.
- Nëse jeni punonjës i kujdesit shëndetësor, mund ta merrni dhe transmetoni gripin nga pacientët apo kolegët, tuaj të cilët janë të sëmurë nga gripi.
- Nëse ju sëmureni me grip ju mund t’ia transmetoni edhe të tjerëve edhe pse ju mund të mos ndiheni të sëmurë.
- Duke u vaksinuar ju ndihmoni të mbroni vetveten, familjen tuaj dhe njerëzit rreth jush.
p.k\dita
