Manchester City shkatërroi me ‘set’ tenisi gjermanët modestë të Leipzig, që ndryshe nga ndeshja e parë e vajtjes, nuk e përballuan dot furinë e skuadrës së sheikëve arabë. Barazimi i takimit të parë ishte një mirazh, teksa iu desh ta nxirrnin topin 7 herë nga rrjeta dhe të mos shënonin dot as golin e nderit. Në fillim të ndeshjes anglezët megjithëse kontrolluan dhe insistuan, nuk po e gjenin dot golin e avantazhit, teksa iu desh Haland në minutën e 22-të të pjesës së parë ta zhbllokonte me një 11-metërsh dhe dy minuta më pas të bënte dopietë. Në minutën e dytë shtesë të pjesës së parë, përsëri Haland shënon golin e tretë personal.
Pjesa e dytë ishte një festival, përsëri me Haland të papërmbajtshëm që shënon dy herë të tjera. Lojtarët e Pep Guardiolës, të etur për të vendosur një diktat e trembur favoritët për këtë Champions, nuk u ndalën me kaq, ku goli i katërt u shënua nga Gundogan dhe pak minuta më pas Haland bëri ‘manita” më 54 dhe 57, duke barazuar pesëgolëshin e Lionel Messi të vitit 2002 ndaj Leverkursen, me Barcelonën. Dhe ndoshta mund ta kishte thyer nëse Guardiola nuk do e zëvendësonte minutat e fundit, kur City shënoi edhe golin e shtatë të takimit me De Bruyne në minutën e 92, teksa kalon në fazën për një të tetat dhe me synim gjysmëfinalen, në pritje të hedhjes së goglave.
