Alkoolizmi është një nga varësitë që shkakton më shumë vdekje vjetore në botë. Sipas OBSH-së, të paktën 3.3 milionë njerëz vdesin çdo vit për shkak të këtij problemi. Ndërsa në kontinente të tjera si Afrika, prekja përfaqëson vetëm 1% të popullsisë së përgjithshme, në Evropë është një problem shumë më serioz.
Nisur nga kjo bazë, ‘Abbey Care Group’ ka përgatitur një studim që pasqyron se cilat janë vendet evropiane ku konsumohet më shumë alkool. Për të përgatitur këtë studim, fondacioni ka marrë të dhëna nga vetë OBSH.
Sipas shifrave të studimit, Holanda është vendi ku konsumohen mesatarisht më shumë litra alkool në vit, me një total prej 14.9 litrash për person. Vendi i dytë është Republika Çeke, me 14.26 litra. Këtë ‘top-3’ e mbyll Serbia, me një mesatare vjetore prej 14,09 litra për person.
Turqia është vendi ku konsumi i alkoolit për person në vit është më i ulëti. Mesatarja në këtë vend është 1.77 litra në vit.
Kurse Rusia, megjithëse nuk hyn në ‘top-3’ vendet me mesataren më të lartë për sa i përket konsumit të alkoolit, zë vendin e parë në një renditje tjetër. Rusia është vendi me përqindjen më të lartë të problemeve (qoftë sëmundje, aksidente trafiku apo vdekje) që lidhen me alkoolin.
