Çrregullimi i ekuilibrit është një gjendje që zakonisht na bën të ndjehemi të pasigurt në qëndrim, ku kemi atë që në gjuhën e përditëshme njihet si marrje mendsh, sikur jemi duke lëvizur, ose duke lundruar, edhe pse qëndrojmë në vend, apo jemi të të shtrirë në shtrat.
Arsyet se pse ndodhin çrregullimet e ekuilibrit janë nga më të ndryshmet. Një çrregullim i ekuilibrit mund të shkaktohet nga infeksione virale ose bakteriale në vesh, lëndime në kokë ose çrregullime të qarkullimit të gjakut që prekin veshin e brendshëm ose trurin.
Shumë njerëz hasin problem të tilla me rritjen e moshës (ndërsa plaken), por këto mund të vijnë edhe nga marrja e medikamenteve të caktuara (efektet anësore të medikamenteve).
Nga ana tjetër edhe, edhe problemet në sistemin nervor dhe sistemin qarkullues mund të jenë burim i çrregullimeve të ekuilibrit.
Gjithashtu edhe problemet në sistemin skeletor ose visual të tilla, si: artriti ose disekuilibri i muskujve të syve, luajnë po ashtu një rol të rëndësishëm.
Sidoqoftë, në jo pak raste çrregullimet e ekuilibrit mund të fillojnë papritmas, pa ndonjë arsye të dukshme.
Lidhur me shenjat dalluese, mjekët bëjnë me dije se disa nga simptomat më të zakonshme klinike përfshijnë, marrje mendsh (ose vertigo). ndjesia sikur do të biesh ose sikur lundron, shikim i turbullt, konfuzion ose corienti, të përziera dhe të vjella, diarre, ndryshime të presionit të gjakut dhe të rrahjeve të zemrës, frikë, ankth, panik. Simptomat mund të vijnë dhe të kalojnë për periudha të shkurtra kohe, ose mund të zgjasin për periudha më të gjata kohore.
Llojet më të shpeshta të këtyre çrregullimeve janë:
Vertigo
Vertigo, është një ndjesi anormale që përshkruhet si një ndjesi që po rrotullohemi, ose sikur bota po rrotullohet rreth nesh dhe kjo mund të shoqërohet me të përziera dhe të vjella intensive. Vertigoja në vetvete është një simptomë ose tregues i një problem themelor i ekuilibrit që përfshin veshin e brendshëm ose trurin.
Vertigo pozicionale
Vertigo pozicionale, është një episod I shkurtër, intensive i vertigos që ndodh për shkak të një ndryshimi specifik në pozicionin e kokës. Këtë mund ta përjetojë edhe kur rrotullohet në shtrat, por ndonjëherë mund të rezultojë edhe gjatë procesit të plakjes (pra kryesisht në moshat e vjetra).
Labirintitis
Labirintitis, është një infeksion i veshit të brendshëm që shkakton marramendje dhe humbje të ekuilibrit. Shpesh shoqërohet me infeksione të rrugëve të sipërme të frymëmarrjes.
Sëmundja Meiner
Sëmundja Menier, e cila shoqërohet me një ndryshim në vëllimin lëngjeve në strukturat e veshit të brendshëm. Kjo sëmundje shkakton episode të vertigos, humbje të parregullt të dëgjimit, zhurmë në veshë dhe një gjendje rëndese në vesh. Shkaku i sëmundjes Menier është i panjohur.
Sëmundja e lëvizjes
Sëmundja e lëvizjes, e referuar ndonjëherë edhe si sëmundja e detit, ose sëmundja e makinës, e avionit, është një shqetësim shumë i zakonshëm i veshit të brendshëm që shkaktohet nga lëvizja e makinës, e rrymave ajrore gjatë fluturimit apo lëvizjet e dallgëve të detit. Simptomat kryesore janë: të përziera ,të vjella, marramendje, djersitje, gjendje e përgjithshme jo e mirë. Këto simptoma lindin nga veshi i brendshëm (zona e labirintit).
p.k\dita
