Trajneri i PSG, Christophe Galtier ka reaguar pas akuzave të fundit se ai është shprehur kundër numrit të lartë të futbollistëve me ngjyrë dhe atyre me besim muslimanë në organikën e ish-skuadrës së tij Nice. Nëpërmjet avokatit të tij, Olivier Martin, tekniku i Paris Saint-Germain mohoi kategorikisht akuzën ndërsa theksohet se këtë çështje do ta ndjekë në rrugë ligjore për të hedhur dritë mbi të vërtetën e tij.
Megjithatë, zërat duke se kanë ndikuar tek numri një i klubit kryeqytetas, Nasser Al-Khelaifi i cili ka nisur një hetim të brendshëm për të kuptuar nëse Galtier me të vërtetë ka të tilla mendime dhe nëse ato janë shprehur edhe në lidhje me organikën e tij te PSG. Situata është e rënduar për 56-vjeçarin duke qenë se edhe tifozët parizienë në këtë moment i janë vënë kundër Galtier dhe po ushtrojnë presion në klub për ta shkarkuar. Kështu, pas rrëmujës që shkaktuan deklarata e Mbappe kundër klubit pak ditë më parë, tashmë PSG gjendet sërish në ujëra të turbullta.