Kryetari i PDIU, Shpëtim Idrizi gjatë një interviste televizive ka deklaruar se ndaj Fredi Belerit po përgatitet një padi e re në SPAK për Vorio Epirin, për helenizimin e Shqipërisë, deklaratat këto të thëna gjatë fushatës elektorale për bashkinë Himarë.
Idrizi tha se arrestimi i Belerit është kronikë e një ngjarje të paralajmëruar teksa shtoi se kjo ngjarje ka shkaktuar tensione me shtetin fqinj.
“I bëj thirrje që s’mundet që një njeri nën mesataren e minoritetit etnik grek që ka 2 dënime, një në Greqi për masakrën e Peshkëpisë dhe për dhunim të simboleve kombëtare nuk do të vihej nga ata vetë. Po bëhemi gati ta çojmë në SPAK për Vorio Epirin, për helenizimin e Shqipërisë. Pse i bën mirë raportit Shqipëri-Greqi ky tension?”, tha Shpëtim Idrizi.
Sipas kreut të PDIU, dhe minoriteti grek ka përfaqësues intelektualë e mund ta kishte vendosur si kandidat.
“Më bën përshtypje se prej shumë vitesh kishim harruar të kishte tensione në Himarë, të kishte presion, trysni e përplasje dhe për këtë s’ka qenë rastësi. Ne e nxorëm Shqipërinë me 9 minoritete. Në Dropull e Finiq s’ka pasur ndonjëherë tensione. Këto tensione nuk i bëjnë mirë 2 vendeve”, tha kreu i PDIU, Shpëtim Idrizi.
m.b/dita
