Më datë 8.04.2024, një grup pasardhës veteranësh, drejtues të zgjedhur nga forumet ligjore të Organizatës së Veteranëve dhe Pasardhësit e tyre, të miratuar në Konferencën e 12 Kombëtare, dhe shokë të tjerë të zgjedhur në forumet e organizatave në Tiranë, u paraqitën për takim në zyrat e Komitetit të Veteranëve, për disa probleme të rëndësishme të cilat preokupojnë të gjithë Organizatën, sidomos në këtë vit jubilar të 80-vjetorit të Çlirimit të Atdheut.
Por, drejtuesit aktualë nuk pranuan të takohen dhe u larguan nga zyra.
Ne u drejtohemi me këtë Deklaratë të gjitha Organizatave, në çdo Bashki, u drejtohemi të gjithë antarëve, që padyshim u dhëmb sa ne drejtimi i Organizatës nga elementë të cilët kanë vetëm një qëllim, shkatërrimin e Organizatës, bashkimin e saj me OBVL, organizatë e krijuar nga PD, për të zhdukur rëndësinë e jashtëzakonshme të Historisë së LANÇ, dhe vetë emrin e Organizatës së Veteranëve.
Ne pritëm me durim të fliste drejtësia, e cila ka një vit që nuk ka pranuar prof. Hulusiun në pozicionin e kryetarit, pozicion që ai e mban jashtë ligjit, duke përdorur firmë e vulë, jashtë çdo norme statutore, ligjore dhe morale.
Por tani themi “Mjaft”, sepse të gjitha veprimet e “Drejtuesve” në këtë një vit, janë shoqëruar vetëm me aksione shpifje ndaj n/kryetarëve dhe drejtuesve të tjerë të org. në bazë, të cilat kanë çuar jo vetëm në përçarje, por me tentativa të hapura për të ndërhyrë në mënyrë të shëmtuar në zgjedhjet nëpër lagje të Tiranës, ndërhyrjen në analizat e organizatave, dhe zgjedhjen e njerëzve të paaftë e të panjohur, me qëllimin e vetëm që t’u shërbejnë qorazi.
Por ndërkohë, me veprime të njëanshme, të fshehta, “drejtimi” i sotëm, ripërsëriti dhe njëherë tentativën për bashkimin e Organizatës sonë me atë të OBVL, të hedhur si ide një vit më parë. Mgjse e mori përgjigjen nga e gjithë anëtarësia, ajo vazhdon me ngulm të punojë për realizimin e këtij bashkimi, në shkelje të hapur të Statutit të Organizatës, dhe në kundërshtim të hapur me vullnetin e antarëve të Organizatës.
Prandaj :
1- T’i themi Stop këtij vendimi të turpshëm, dhe të kërkojmë llogari se me çfarë autoriteti është vendosur kjo marrëveshje.
2- Të japin llogari për veprimin e marrë me “Autoritetin e dosjeve, për krimet kundër komunizmit” dhe të na paraqisni dokumentacionin e nënshkruar me ta, në mënyrë të fshehtë.
3- Të themi “Stop” bojkotimit ndaj “personave armiqësorë”, dhe ndaj shkrimeve që ju nuk ju pëlqejnë.
4- Kërkojmë të thërritet menjëherë mbledhje e jashtëzakonshme e Kryesisë, me anëtarët ligjorë, dhe ata të kooptuar nga ju në mënyrë jo ligjore, për të informuar dhe marrë vendime konform Statutit, mbi problemet e mësipërme dhe për një plan të mirë organizuar për festimin e 80 Vjetorit të Çlirimit të Atdheut, plan për të cilin nuk është bërë asgjë deri tani.
Veteranë, partizanë të Br VIIIS :
Naxhi Zhupa, Hysen Koshaj
N/ Kryetarë
Elidiana Canaj, Murat Dardha
Antarë Kryesie e të Komitetit, dhe të zgjedhur në organizatat bazë, të Tiranës:
Vjollca Trebicka Ilmi Qazimi Pelivan Hysi Thoma Konduri Gjylfarie Peçi Drita Shehu Jeta Seitaj Thoma Vaso Thoma Katro Valentina Postoli Tatiana Selenica Luiza Grazhdani Liljana Mero Jorgo Qirko Shefki Velaj Hysni Mullolli
