Tension ende pa nisur seanca plenare!
Deputetët e përjashtuar demokratë kanë tentuar tëhyjnë në ambjentet e Kuvendit, për të marrë pjesë së seancë plenare.
Ndërkohë pak minuta më parë ata dorëzuan në Kuvend shkresën për kryeparlamentaren Nikolla, përmes së cilës kërkojnë pezullimin e vendimit për përjashtimin e deputetëve.
Në shkresë, 6 demokratët e perjashtuar e konsiderojnë vendimin antikushtetues dhe një akt të rëndë ndaj parlamentarizmit në Shqipëri.
Shkresa mban firmën e deputetëve të përjashtuar, përkatësisht: Sorina Koti, Elda Hoti, Greta Bardeli, Lindita Metalia, Oerd Bylykbashi dhe Edmond Spaho.
Opozita kërkon një përballje me Kryeministrin Edi Rama por që prej 24 janarit që çështja u bë publike e deri më sot, interpelanca ende nuk është zhvilluar. Ajo pritet të mbahet më 2 mars. Ndërkohë që protesta zhvillohet jashtë sallës, brenda do të diskutohen disa projektligje. Kryeministri Rama nuk do jetë prezent pasi ndodhet në një vizitë në Japoni.
j.l./ dita
