Arabia Saudite po kërkon me çdo mënyrë marketingu apo diplomacie, marrjen e të drejtës për të zhvilluar një nga eventet më fitimprurëse dhe që do i ‘lajë’ fytyrën e skandaleve mbretërore: Botërorit të Futbollit 2030. Ndaj pas Kristiano Ronaldo tenton edhe Lionel Messi, kurse emri i fundit ështe tekniku portugez, kontroversi Hose Murinjo.
Mëse 120 milionë euro dhe kontratë 2-vjeçare ofrohen nga Arabia Saudite për Mourinho. ‘Gazzetta dello Sport’ raporton se trajneri portugez i Romës ka marrë një ofertë të re prej sheiku, teksa do përfitojë 60 milionë euro në sezon.
Bëhet fjalë për të drejtuar kombëtaren e Arabisë Saudite në futboll, ose një nga klubet elitare në vend, atë të Al Nassr, ku luan edhe Cristiano Ronaldo apo dhe klubin tjetër, Al Hilal. Kujtojmë se Mourinho ka kontratë me Romën edhe për një sezon, teksa ka punuar ne Cristiano Ronaldon te Real Madrid mes viteve 2010 dhe 2013. Media italiane shkruan se Mourinho tashmë është takuar me stafin e tij duke hasur në mendime të ndryshme. “Special One” dëshiron të qëndrojë në Romë dhe është në pritje të një takimi me Ryan Friedkin përpara se të marrë vendimin finale për të ardhmen.