Zgjedhjet lokale të 2023, përpos rikonfirmimit pa surpriza të mazhorancës, nxorën në pah një tjetër fenomen, bojkotin e të rinjve në zgjedhje, ose së paku atyre që votojnë për herë të parë.
Në zgjedhjet e së dielës ishin 122.545 persona në listat e votimit që votonin për herë të parë.
Pjesëmarrja e tyre në votim la për të dëshiruar, vetëm 16.597 votues.
Një përqindje e ulët (as 14%) morën pjesë në zgjedhje, siipas Gazeta Si.
Kujtojmë se dje, kryeministri Edi Rama e ka cilësuar si të jashtëzakonshme fitoren në zgjedhjet lokale të 14 majit.
Gjatë një konference për mediat nga selia e Partisë Socialiste, Rama pati edhe një falenderim për demokratët, të cilët dëgjuan thirrjen e tij për të mos votuar ata që përfaqësojnë të shkuarën.
“Dua të falenderoj nga zemra edhe çdo zgjedhës të djathtë, sado qofshin, një për një, nga ata që e dëgjuan mesazhin tim për të mos dalë fare në votime, nëse e kishin të pamundur ta kapërcenin ylberin politik”, tha Rama.
j.l./ dita
