Edi Reja nuk është më trajner i sllovenëve të ND Goricës. Lajmi është konfirmuar nga vetë klubi nëpërmjet një postimi në faqen zyrtare, teksa ish-trajneri i Kombëtares kuqezi, është zëvendësuar menjëherë nga 50-vjeçari me origjinë shqiptare Agron Salja.
Katër humbjet radhazi në kampionat rezultuan fatale për Rejën, teksa skuadra e Goricës, është pozicionuar në vendin e parafundit me 22 pikë në 31 ndeshje, po aq sa vendi i fundit që mbahet nga Tabor dhe 9 pikë më pak se skuadra e tretë nga fundi. Për sa i përket “timonierit” të ri, Agron Salja, ai në të kaluarën ka drejtuar kombëtaren U-17 dhe U-19 të Sllovenisë si dhe skuadrën e Celjes në plot 20 ndeshjes. Si fubollist 50-vjeçari ka qenë edhe pjesë e skuadrave të Domzales, Triglav, etj. 50-vjeçari është një njohës i mirë i kampionati slloven. “I lumtur dhe mirënjohës që kam marrë ftesë nga klubi. Pavarësisht situatës në renditje, ky është një klub që tashmë ka bërë shumë për futbollin slloven dhe ka shumë potencial. Shpresoj dhe besoj që sezonin e ardhshëm të luajmë në këtë nivel”, u shpreh Salja gjatë prezantimit.
