Kombëtarja e Shqipërisë zhvilloi seancën e dytë stërvitore nën drejtimin e Sylvinhos në “Shtëpinë e Futbollit”. Trajneri brazilian do të debutojë në stolin kuqezi në takimin ndaj Polonisë.
“Kuqezinjtë” luajnë në Varshavë ndeshjen e parë të fazës eliminatore të Euro 2024 (27 mars), përballje që do të transmetohet në orën 20:45. Elseid Hysaj, Marash Kumbulla, Ivan Balliu dhe Enea Mihaj ishin lojtarët e fundit që iu bashkuan grumbullimit ditën e hënë, duke plotësuar të gjithë grupin e Kombëtares. Ky i fundit zëvendëson në prapavijë Ardian Ismajlin e dëmtuar.
Ndërkohë që pati dhe një tjetër seancë stërvitore ditën e sotme, e cila nisi në orën 15:30. Lajmi i mirë është se në dy ditë stërvitje, te kuqezinjtë nuk ka pasur asnjë dëmtim të ri nga të grumbulluarit dhe tekniku brazilian Sylvinho dhe ndihmësi i tij Zabaleta ndihen më të qetë.
