Ditën e sotme, i dërguari special i Shteteve të Bashkuara të Amerikës për Ballkanin Perëndimor, Gabriel Escobar do të takohet me përfaqësuesit e opozitës.
Në orën 10:30, Escobar pritet të takohet me deputetin Enkelejd Alibeaj. Të pranishëm do të jenë edhe deputetët Jorida Tabaku e Gazment Bardhi.
Më pas në orën 11:30, Escobar do të takohet me kreun e Partisë së Lirisë, Ilir Meta. Edhe në këto vizita, njësoj si një ditë më parë, Escobar do të shoqërohet nga ambasadorja Yuri Kim.
Dje, Escobar zhvilloi takime me Ramën dhe Begaj. Pas takimeve, në një reagim ambasada e SHBA-ve tha se thirrja e Escobarit për liderët ka qenë që të sigurojnë që kandidatët të përmbushin kërkesat e ligjit dhe të përmbushin pritshmëritë e qytetarëve shqiptarë për integritet të lartë.
I dërguari ka shmangur takimet me kryedemokratin Sali Berisha, i cili është shpallur non-grata nga Departamenti Amerikan i Shtetit.
j.l./ dita
