Në Ditën Ndërkombëtarëve të Mjekëve, kreu i shtetit Bajram Begaj, ka vlerësuar punën e përditshme dhe sfidat me të cilat përballen bluzat e bardha.
Nëpërmjet një urimi të bërë në Facebook, Presidenti Begaj, risolli në vëmendje periudhën e Covid-19 dhe shtoi se mjekët i qëndruan besnikë betimit të profesionit të tyre.
Mesazhi i plotë i Presidentit :
Pandemia Covid-19, na risolli në vëmendje madhështinë dhe përulësinë e misionit të mjekut. Për muaj me radhë, mjekët tanë iu dedikuan pacientëve të sëmurë, duke i qëndruar besnikë “Betimit të Hipokratit” e duke mos pyetur për rrezikun që i kanosej atyre vetë apo familjarëve.
Sot, tek sa për fat ditët e vështira të pandemisë duken kujtim i së shkuarës, nuk duhet t’i mbetet së shkuarës shembulli i vetëmohimit të tyre, përkundrazi, duhet të jetë një arsye më shumë, për të respektuar bluzat e bardha për profesionalizmin dhe perkushtimin e tyre.
Respekt dhe mirënjohje ndaj mjekëve tanë, ndaj të gjithë kolegëve dhe miqve të mi të nderuar!
p.k\dita
