Deputeti i Partisë Socialiste, Erion Braçe ka paralajmëruar se do të bëjë kallëzim penal për institucionet shtetërore, të cilat nuk i përgjigjen kërkesave për dhënie informacioni.
Nga foltorja e Kuvendit, Braçe përmendu AKU-në dhe Drejtorinë e Tatimeve, ku tha se “konfidencialiteti” nuk është arsye për mos-dhënie informacioni.
Erion Braçe: Ministrja e Arsimit është këtu dhe ky është problem i Parlamentit dhe jo i ministres. Çështja që më intereson ka të bëjë me hapjen e shkollës Edith Durham, që nuk është hapur ende. Këtu në sallë shfrytëzohet koha për çështje që s’janë fare në rendin e ditës dhe për çështje të rëndësishme këtu koha është me racion. Po ju them, kam kërkuar më 2 shkurt, afati që jep rregullorja është 3 javë, ndërkohë që andej janë 850 nxënës që shkojnë në turnin e dytë, 1700 gjyshër që çojnë fëmijët pasdite dhe duan përgjigje kur hapet shkolla, 1 janari.
Niko Peleshi: Është e vërtetë që jemi në kufijtë e afatit, është parashikuar në seancën e radhës. Ju siguroj që nuk është çështje e Kuvendit. Duke respektuar edhe axhendën e Kuvendit dhe të ministres, është kërkuar koha e nevojshme. Ju sigurojmë që në seancën e radhës do të rezervojmë kohën për pyetje-përgjigje me ministren e Arsimit. Sa i përket pjesës tjetër, përgjigjja ndaj kërkesës për informacion, bashkohem me ju. Duhet të respektojnë ligjin për transparencë dhe dhënie informacioni.
j.l./ dita
