Sali Berisha ka kërcënuar mazhorancën, duke e konsideruar përgjegjëse nëse Gjykata e Apelit nuk i jep vulën e PD, Foltores.
Në mitingun dje përpara Parlamentit, Berisha tha se “Taulant Balla ka shpallur vendimin e gjykatës kundër nesh”.
“Sot Taulant Balla njoftoi vendimin që do japë gjykata më datën 3, unë i them Ballës, meqë ti je i pari që njofton vendimin. Ja ku janë këta burra dhe unë të betohem para tyre e mbarë shqiptarëve dhe ti dhe Rama do bëheni përgjegjës personal. Shko ku të duash, në çdo vrimë miu që të futesh do të të kapim e do të të çojmë te Gentian Sharra, miku yt. Po të duam për tre minuta, jemi brenda në parlament.
3 marsi është dita e madhe, 3 marsi është ditë fitoreje për revolucionin. 3 marsi është dita e çdo shqiptari. Marshi drejt Surrelit është i pashmangshëm”, ka thënë Berisha.
Në 3 mars, Gjykata e Apelit do të vendosë për vulën e Partisë Demokratike e ku njëkohësisht do të mësohet edhe “fati” politik i Sali Berishës. Në të njëjtën ditë, Berisha ka thirrur protestën e radhës kombëtare, sic e cilëson ai.
Vendimi për mbajtjen e një proteste në ditën kur drejtësia po merr një vendim të rëndësishëm, për një çështje që është zvarritur prej më shumë se një viti, shihet si një presion nga ana e Berishës.
Kujtojmë se përpos kësaj, djali i Berishës, Shkëlzeni u paraqit disa ditë më parë para prokurorëve të SPAK për të dhënë përgjigje për lidhjen e tij me tragjedinë e Gërdecit, ku humbën jetën 26 qytetarë të pafajshëm.
Kjo është protesta e katërt radhazi e Sali Berishës në atë që pretendon se është “Revolucion” për rrëzimin e qeverisë Rama.
Në rrjete sociale, qytetarët që nuk janë militantë të verbër partish të dështuara pyesin: “Mirë Saliu, do shkoka në Surel, po Rama do shkoj me të vetët në Lalz? Po vilën më të madhe e më të kamur, kush e ka, Saliu, Likja apo Edvini?”.
m.b./dita