Kryeministri Edi Rama tha vijimin e fushatës elektorale të Partisë Socialiste në Mat, se gratë e demokratëve duhet të mbyllin burrat në shtëpi për 14 majin që të mos shkojnë e të votojnë koalicionin “Bashkë Fitojmë”, pasi siç u shpreh ai ky koalicion përfaqësohet nga Ilir Meta.
Ai e ka konsidetuar këtë gjë një turp të madh, pasi demokratët po shkojnë të votojnë një të majtë, ai madje tha se edhe gjyshërit e stërgjyshërit e demokratëve do u dilnin në ëndërr nga kjo
“Është turp i madh shumë, i djathtë që s’mbush dhe niset e voton te fleta e votimit, “Bashkë Fitojmë” me Like Floririn. Se s’është as emri i atij tjetrit fare. Atij ju zhduk emri fare këta duan ta mbajnë akoma. Like “floriri” përfaqëson të djathtën. Do ju rrotullohen gjyshërit në varr! Do ju dalin stërgjyshërit në ëndërr e t’ju thonë, “ça m’bone or çun”! Kështu që në këtë moment nderin e të djathtës mund ta shpëtojnë vetëm gratë e të djathtëve”, tha kryeministri Rama nga Mati.
j.l./ dita
