Ditën e sotme u takua kryetari i ‘Partisë së Lirisë’, Ilir Meta me kryedemokratin Sali Berisha në selinë blu.
Meta ka folur për gazetarët ku tha se përshëndet përpjekjet e opozitës për të unifikuar aksionin opozitar.
Ai tha se fokus do jetë kthimi i llogaridhënies, ndërsa paralajmëroi edhe protesta.
I pyetur se nëse do ishte dakord nëse Sali Berisha do nxirrte Gazment Bardhit si pretendent për kryeministër në zgjedhjet e 2025, Meta tha se kërkon vetëm të respektohet çdo parim demokratik.
Ky takim mes tyre, vjen një ditë pasi Komisioni Qendror i Zgjedhjeve regjistroi koalicionin Bashkë Fitojmë për zgjedhjet në Kukësi, si edhe pas tentativave të dështuara të Berishës për t’u futur në zgjedhje me logon e Partisë Demokratike.
KAS e rrëzoi këtë kërkesë, ndërsa çështja do të shkojë edhe në Kolegj Zgjedhor.
j.l./ dita
