Kryeministri Edi Rama ka deklaruar se vendi ynë është i pari në rajon sa i takon Prokurimeve Publike.
“Në aspektin e prokurimeve publike nuk kemi asnjë piketë të ndërmjetme”, tha kreu i qeverisë.
Ai shtoi se në mesin e mandatit të katërt të PS-së, 90% e prokurimeve do të realizohen me Inteligjencë Artificiale.
Rama theksoi se niveli i transparencës do të jetë i pakonkurrueshëm nga çdo komision prokurimesh që bën këtë punë.
“Në aspektin e prokurimeve publike nuk kemi asnjë piketë të ndërmjetme. Në bazë të raportit të Sigmës, jemi tani më jo vetëm në vendin e parë në rajon, se kur mblidhemi ne të Ballkanit gjithmonë bëjmë dy sforco më të mëdha, kush është më i vjetri dhe kush është më i pari, kështu që është e pamundur t’i shmangem. Më të vjetrit dihet që jemi ne. Nuk ka nevojë të them, që ne të jemi të parët këtu dhe aty kjo nuk para dihet, aq më tepër pastaj duke qenë ne më të vjetrit, kemi kapacitet shumë më të madh se sa këta më të rinjtë për tu zënë me njëri tjetrin për të mos i thënë gjërat që duhen thënë.
Me modelin e inteligjencës artificiale që po ndërtojmë ne besojmë që rreth mesit të mandatit tonë të kartërt ne do të jemi vendi i parë që do të realizojmë prokurime me 90% të procesit pa njeriun dhe me një nivel objektiviteti transparence që është i pakonkurrueshëm dot nga çdo komision prokurimesh që bën këtë punë. Do të jetë një tjetër arritje, falë mundësisë që na jep teknologjia”, tha Rama.
j.l./ dita
