Krerët e shteteve dhe qeverive të Gjermanisë, Francës dhe Mbretërisë së Bashkuar kanë dënuar sulmet me raketa të Iranit ndaj vendeve në rajon dhe kanë kërcënuar me kundërmasa ushtarake.
“Krerët e shteteve dhe qeverive të Francës, Gjermanisë dhe Mbretërisë së Bashkuar janë të tronditur nga sulmet raketore pa dallim dhe joproporcionale të Iranit ndaj vendeve në rajon”, thuhet në një deklaratë të përbashkët, e cila u botua edhe nga Zyra Federale e Shtypit .
“Ne i bëjmë thirrje Iranit që të ndërpresë menjëherë sulmet e tij të pamatura”, deklaruan udhëheqësit. “Ne do të marrim masat e nevojshme për të mbrojtur interesat tona dhe ato të aleatëve tanë në rajon”, vazhdoi deklarata.
Ata kanë bërë me dije se do të vënë në dispozicion bazat e tyre ushtarake për të sulmuar Iranin. “Kjo mund të përfshijë potencialisht, nëse është e nevojshme, mundësimin e masave mbrojtëse ushtarake proporcionale për të shkatërruar aftësinë e Iranit për të lëshuar raketa dhe dronë në burimin e tyre”, thanë ata.
j.l./ dita
