Një furgon dhe një gomone që dyshohet se do të transportonin drogë janë bllokuar mbrëmë në pyllin e Poros në Vlorë.
Forcat e Ndërhyrjes së Shpejtë kanë kryer një aksion dhe kanë sekuestruar dy mjetet, pikërisht në dalje të lumit Vjosa.
Mjetet dyshohet se do të përdoreshin për transportimin e lëndës narkotike drejt Italisë, por nuk ka ende asnjë gjurmë të tranfikantëve që po i përdornin.
Megjithatë aksioni ende vazhdon, pasi Policia e Shtetit ende nuk ka dalë me një njoftim zyrtar lidhur me atë që ka ndodhur mbrëmjen e djeshme, duke lënë të kuptohet që hetimet ende vazhdojnë.
Kontrollet po vijojnë edhe në pyllin e Poros, ku mendohet se mund të jetë fshehur lënda narkotike.
j.l./ dita
