Banorët e Gjirokastrës dhe të zonave përreth nuk do të dynden më drejt spitaleve rajonale për të marrë shërbimet mjekësore. Ministria e Shëndetësisë dhe Mbrojtjes Sociale bën me dije se shumë shpejt dhënia e shërbimeve mjekësore do të mundësohet në Poliklinikën e re të Gjirokastrës, punimet për të cilën janë drejt fundit.
Autoritetet e dikasterit të Shëndetësisë bëjnë me dije se ky është një tjetër investim me standardet më të mira që do t’i shtohet zinxhirit të ndërhyrjeve transformuese në shëndetësi.
“Poliklinika e re e Gjirokastrës do të jetë së afërmi në shërbim të banorëve të qarkut jugor me kushte dhe aparatura bashkëkohore”, konfirmon Ministria e Shëndetësisë.
p.k\dita
