Dhjetra qytetarë janë mbledhur sot në një protestë përpara klinikës së mjekut Roland Xhaxho, ku pak ditë më parë humbi jetën një fëmijë 3-vjeç.
Mes qytetarëve, në protestë janë të pranishëm edhe familjarët e djalit të ndjerë, të cilët janë shprehur se kërkojnë drejtësi për humbjen e vogëlushit të tyre.
Familjarët fajësuan mjekun Xhaxho, i cili i administroi narkozën djalit 3-vjeçar dhe gjatë disa orëve ndërhyri në 14 dhëmbë.
Por në një reagim të tijin, mjeku tha se djali kishte dalë i zgjuar nga klinika dhe gjendja e tij ishte përkeqësuar pasi kishte shkuar në banesë. Ai gjithashtu tha se djali kishte pasur probleme me zemrën, për çka kishte kryer edhe ndërhyrje.
a.c./dita
