Një person është arrestuar në Kurbin ditën e djeshme, nën akuzën e kultivimit të bimëve narkotike në banesën e tij. Nëpërmjet vëzhgimit me dron, është bërë i mundur zbulimi i 94 fidanëve të kanabisit, që i arrestuari Valentin Cara dyshohet se i kishte mbjellë pas banesës së tij. Fidanët e kanabisit u sekuestruan në cilësinë e provës materiale. Ndërsa pronari i banesës, akuzohet për kultivim të lëndëve narkotike. Ndërkohë policia vijon me kontrollet në terren, në zona të pyllëzuara dhe në ambiente të tjera, për parandalimin dhe goditjen e kultivimit të bimëve narkotike.