Një shqiptar është arrestuar në Angli, pasi u kap në shtëpi bari.
Nottinghampost shkruan se në pranga ka rënë Oetjon Agalliu, i cili kishte shkuar në Angli disa vite më parë më kamion.
Agalliu u gjet në një shtëpi në Mansfield, duke u kujdesur për 174 bimë kanabis, të cilat pas daljes në treg kapnin vlerën e 146 mijë paundëve.
Agalliu ra në pranga pas përgjimeve të disa telefonatave, ku në këto ishte i gatshëm që të paguante 24 mijë paund, për të rregulluar letrat e azilit për një shqiptar tjetër.
Në një tjetër telefonatë ai kërkonte dhe një punonjëse seksi në shtëpinë e tij, të cilën ishte i gatshëm që ta paguante por edhe t’i ofronte kokainë si shpërblim.
Gjatë marrjes në pyetje nga policia, 35-vjeçari shqiptar ka deklaruar se ka mbërritur në Britani me shpresën për të gjetur punë, por më vonë iu ofrua mundësi për të punuar në “shtëpinë e barit”.
j.l./ dita
