Gazetari Artan Hoxha ka qenë pjesëmarrës në aktivitetin e koalicionit “Bashkë Fitojmë” për hapjen e fushatës elektorale në stadium.
Sipas këtij gazetari, pjesëmarrja ka qenë rreth 20 mijë vetë, por më pas ata u larguan për shkak se vijoi gjatë dhe Berisha që foli i fundit, më shumë u foli karrigeve pasi stadiumi ishte boshatisur.
Hoxha e quajti këtë një gafë të organizatorëve.
“Ata që janë marrë me organizimin e atij aktiviteti, nuk e di se si nuk i ka eleminuar akoma Berisha. Të lësh liderin ashtu në fund…
Sabotimi më banal që iu bë një aktiviteti, se ajo që i ndodhi Berishës dhe Metës nuk ka. Të dalë lideri pas tre orësh aty, është sabotim i aktivitetit.
Vajta për ta parë se e dija që një nga pikat që do e godiste mazhoranca ishte pjesëmarrja. Këtë herë droni doli jashtë funksioni sepse stadiumi ishte i mbuluar”, tha Hoxha.
