Situata mes SHBA-së, Izraelit dhe Iranit ka kaluar në një fazë të hapur ushtarake. Presidenti i SHBA-së, Donald Trump, sapo ka konfirmuar se Shtetet e Bashkuara kanë nisur “operacione të rëndësishme luftarake” (major combat operations) brenda Iranit.
Shpërthime të fuqishme janë raportuar në pjesën lindore dhe veriore të kryeqytetit iranian. Tymi i zi shihet të ngrihet mbi qytet, veçanërisht pranë zonave ku ndodhen qendrat komanduese të forcave të armatosura iraniane.
Edhe Ministri i Mbrojtjes i Izraelit, Israel Katz, njoftoi se vendi i tij ka nisur një sulm “parandalues” (pre-emptive) ndaj Iranit. Izraeli ka shpallur menjëherë gjendjen e jashtëzakonshme në të gjithë territorin e tij, duke u përgatitur për sulme me raketa nga Teherani.
Ky sulm vjen pas një jave tensionesh ekstreme. Gjatë shkurtit, SHBA-ja kreu grumbullimin më të madh të forcave në Lindjen e Mesme që nga viti 2003, duke dërguar aeroplanmbajtëset USS Abraham Lincoln dhe USS Gerald R. Ford në rajon.
Irani ka mbyllur të gjithë hapësirën ajrore, ndërsa shumë vende kanë tërhequr stafet diplomatike nga Teherani dhe po bëjnë thirrje për largimin e menjëhershëm të qytetarëve të tyre nga rajoni.
Sipas BBC rreziku për një luftë të plotë rajonale është në nivelin më të lartë historik.
o.p. / dita
