Kryetari i Lëvizjes “Shqipëria Bëhet”, Adriatik Lapaj, ka nisur një formë të pazakontë proteste para Kryeministrisë, i ulur në një karrige dhe pa asnjë logo partie.
Ai deklaroi për Breaking në Top News se në Shqipëri sa më shumë të kapesh duke vjedhur aq më shumë vota merr.
“Numri i ikjeve është shume i madh kuptohet që nuk ka garë. Të kapin si ministër i korruptuar në Shqipëri bëhesh më i fortë. Kapen 1,2, 3 ministra në gabim dhe qeveria merr më shume vota, sikur jemi në Korenë e Veriut. Kjo s’ka logjike politike, s’mund të jetë e vërtetë.
Shoqëria është e kapur dhe kjo histori duhet të ndalet, sepse nuk mund të vazhdohet kështu“.
Lapaj tha se do të vazhdojë të qëndrojë në bulevard për të protestuar deri sa të mundet fizikisht.
“Sigurisht qe mbrëmë nuk kisha nevojë për leje, por sot kemi çuar njoftimin dhe do të qëndrojmë këtu. Nëse numri i njerëzve maksimizohet bulevardi do bllokohet. Do qëndrojmë derisa të kemi resurse biologjike. Do flemë këtu me çadra kampingu, do qëndrojmë këtu derisa të realizojmë atë për të cilën kemi dalë”
Përsa i përket çështjes së Ballukut, Lapaj tha se Rama nga përgjegjësia individuale që Rama dikur deklaronte ai këtë herë po bën një mbrojtje kolektive për Ballukun.
j.l./ dita
