Publikimi i fotove nga seanca gjyqësore e kryebashkiakut të Tiranës, Erion Veliaj, është një tjetër skandal që ngre pikëpyetje të mëdha mbi procesin, por edhe rrjedhjen e informacionit nga hetimi.
Sipas rregullores së gjykatës, vetëm prokurori i çështjes mund te lejohet të mbajë celular në sallë, çka ngre dyshime se imazhet janë nxjerrë nga vetë organi i akuzës.
Fotot e Veliajt gjatë seancës së GJKKO u publikuan në një portal afër me PD dhe kjo ngre dyshime edhe më të rënda, që kanë të bëjnë edhe me detaje te tjera te dosjes hetimor, te publikuara se pari pikërisht nga ky portal.
Deri me sot, asnjë portal s’kishte arritur te publikonte foto nga një seance e GJKKO, as për persona me histori kriminale dhe as për politikanë të tjerë që janë gjykuar në të njëjtën sallë.
Megjithatë, në mënyrë të çuditshme, ato publikohen vetëm në rastin e Erion Veliajt. Ajo që shton më shumë dyshime është fakti se imazhi i shpërndarë është marrë pikërisht nga këndi përballë të akuzuarit, një pozicion që i përket vendit ku zakonisht ulet prokurori.
Kjo sjell pikëpyetje të mëdha mbi burimin dhe qëllimin e publikimit të këtyre fotove, duke ngritur dyshime nëse kemi të bëjmë me një lëvizje të qëllimshme për të denigruar kryebashkiakun Veliaj.
Kjo përforcon dyshimet se publikimi nuk është i rastësishëm, por një lëvizje e mirëmenduar. Në këtë kontekst, vëmendja kthehet tek prokurori Olsi Dado, i cili po heton çështjen. Ai është përballur më parë me akuza për qëndrime ta pajustifikuara ligjërisht në lidhje me Veliajn.
– A duhet te hapet një hetim serioz për rrjedhjen e informacioneve nga çështja, e sidomos tani për publikimin e këtyre fotove?
Nga ana tjetër, Erion Veliaj ka reaguar nga paraburgimi, duke e cilësuar hetimin ndaj tij si të njëanshëm dhe të motivuar politikisht. Ai ka hedhur dyshime mbi procesin dhe integritetin e prokurorit që po e heton.
Kemi të bëjmë me një shkelje të rëndë procedurale. Kjo ndikon edhe më tepër në pabesueshmërinë e këtij procesit dhe në trajtimin e çështjes Veliaj.
