Të shtunën është ndarë nga jeta, Sevo Tarifa, publicist, shkrimtar, veteran i shquar i LANÇ. Familja Tarifa konfirmoi për DITA lajmin e trishtë.
“Me hidhërim të thellë njoftojmë se njeriu ynë i shtrenjtë, Sevo Tarifa, u nda sot nga jeta në moshën 96 vjeç. U jemi mirënjohës të gjithë atyre që e kanë dashur dhe e kanë çmuar këtë njeri të mirë dhe patriot të zjarrtë” – thuhet në njoftimin e familjarëve.
Përcjellja për në varrezat Sharrës u bë ditën e diel, dt. 15 janar, ora 12:00. Redaksia e DITA i shpreh ngushëllimet më të sinqerta, familjes, miqve dhe të afërmve.
