Gazetari ekonomik Neritan Sejamini, kritik i mazhorancës, ka folur për hapjen e fushatës elektorale.
Sipas këtij gazetari, aktiviteti për hapjen e fushatës nuk kishte mesazh dhe nuk shpaloste ide, ndryshe nga aktiviteti i Ramës, që ka zgjedhur një slogan që e tregon qartë kundërshtarin si “e vjetra” dhe veten si “e reja”.
I ftuar në emisionin “Të Paekspozuarit”, Sejamini kritikoi edhe fushatën e Belind Këlliçit, i cili nuk po bën fushatë politike, por teknike, me premtime të vogla dhe pa rëndësi për votuesin gri, siç është autobusi falas.
“Çfarë mesazhi u dha? Nuk ngeli gjurmë dhe vizion. Nëse Rama ka idenë, do të ecim përpara dhe mbjellim fidanishte, ai mori aktivitetin dhe u dha të gjithëve një lopatë, bëri aktivitet të organizuar. Pra aktiviteti i Ramës ishte aktivitet që e jep mesazhin.
Kurse këtu, nuk kishte mesazh. Është bërë pa u menduar, ishte amatoresk. Pretendon të marrësh votat dhe jo të mbushësh stadiumin. Duhet të japësh ide, mesazh, të tregosh qëllimin.
Fushata zgjedhore bëhet për votuesin e pavendosur, ja ku jemi këtu pesë vetë, vota potenciale të Belindit. Belindi duhet të flasë për ne, votuesin e pavendosur.
Kush nga ne do të votojë për autobusin falas? Asnjëri. Ai elektorat që e bën fitues Belind Këllicin nuk janë ata që kanë problemin e autobusit. Nga pikëpamja elektorale, është strategji e gabuar.
Nëse i gjithë problemi i Bashkisë Tiranë, qenka autobusi falas, atëherë Veliaj duhet të rrijë në pushtet. Para fushatës, kur kanë qenë primaret, ishim pro Ilir Alimehmetit dhe na thanë duhet kandidat politik. Tani kandidati politik që zgjodhen po bën si NGO.
Nëse zoti Këlliçi thotë unë të rregulloj autobusin, disa shkolla, kjo nuk është fushatë, nuk është kjo Tirana”, deklaroi Sejamini.
