Ish-Presidenti i Parlamentit Europian, Martin Schulz, drejtues i partive socialdemokrate ka porositur qeverinë shqiptare që të fokusohet më shumë në punësimin e të rinjve.
Në një deklaratë për mediat, pas takimit me sekretarin e përgjithshëm të Partisë Socialiste, Damian Gjiknuri, Schulz tha se qeveria ka bërë përparime e zhvillime, kryesisht lidhur me Bashkimin Evropian.
Por, sipas tij, qeveria duhet të ndryshojë fokusin dhe të merret me punësimin e të rinjve.
Pjesë nga prononcimi për mediat:
Martin Schulz: Unë kam ardhur mbrëmë në Tiranë, kam ardhur ktu për një vizitë të shkurtër. Kam takuar kryeministrin Edi Rama dhe Damian Gjiknurin. Vlerësoj shumë punën e bërë në Shqipëri, zhvillimet politike dhe ato të lidhura me Bashkimin Evropian.
Pyetje: Ju folët për ndryshimet që janë bërë në Shqipëri, por a keni një koment për të gjithë shqiptarët që janë bërë në Shqipëri, por kanë zgjedhur të emigrojnë në Gjermani?
Martin Schulz: Kjo është një pyetje shumë e rëndësishme, e rëndësishme është që qeveria ka bërë një punë shumë të mirë, por duhet të fokusohet tek punësimi i të rinjve.
Vetë Gjiknuri tha se bashkëpunimi mes tyre është rritur, por komentoi dhe kreun e Partisë së Lirisë, Ilir Meta. Ai tha se Meta nuk ka më lidhje me të majtën, pasi ka bërë koalicion me të shkuarën, referuar atij me kryedemokratin Sali Berisha.
Damian Gjiknuri: Është një bashkëpunëtor i afërt i yni, qeverisë dhe PS-së dhe siç tha dhe vetë jemi duke punuar në lidhje me sfidat që po kalon Ballkani këtë periudhë. Ka parë shumë ndryshime në Shqipëri, është një mbështetës i madh i projekteve tona.
Pyetje: Do ta ftoni dhe Ilir Metën në konferencën e madhe të të majtës?
Damian Gjiknuri: Ilir Meta është e rreshtuar me koalicionin e së shkuarës. Nuk ka më lidhje me të majtën, është bërë pjesë e grupeve progresive të të majta dhe nuk përfaqëson më të majtën. Ka zgjedhur Sali Berishën.
Pyetje: Rama deklaroi se nuk është e rëndësishme ë PS-ja të vendosë kaq shumë postera në qytet, pesë është e mbushur Tirana me kaq shumë postera për PS-në dhe denigruese për Opozitën?
Damian Gjiknuri: Ju e dini që unë jam i hapur për çdo lloj pyetjeje, por për hir të mikut që kemi sot, do tu përgjigjem vetëm pyetjeve që kanë lidhje me zotin Schulz.
j.l./ dita
