Standardet Shtetërore të cilësisë së arsimit të lartë në Shqipëri, kanë lidhje me pesë fusha vlerësimi: Organizimi, menaxhimi, niveli i burimeve mësimdhenëse, kurrikulat e mësimdhënia; të cilat orientohen dhe mbikëqyren nga Agjencia e Sigurimit të Cilësisë në Arsimin e Lartë.
Kjo agjenci ka detyrë të kryejë vlerësimin paraprak të cilësisë në universitete, lidhur me njësitë dhe programet e studimit të 3 cikleve, në kuadër të licencimit si dhe vlerësimin e jashtëm në kuadër të akreditimit dhe të programeve të studimit sipas standardeve ndërkombëtare.
Kaq bën kjo agjenci në vartësi të Ministrisë sa Arsimit, ndërsa “vulën” e cilësisë e vendos Bordi i Akreditimit, i cili është strukturë e Agjencisë së Sigurimit të Cilësisë në Arsimin e Lartë, por emërimin dhe shkarkimin e anëtarvë të bordit e ka kompetencë kryeministri.
Sipas ligjit, ky bord duhet të jetë me anëtarë që janë personalitete të arsimit e shkencës dhe ushtrojnë aktivitetin profesional në Shqipëri; 8 prej të cilëve janë shtetas shqiptarë e 3 të huaj, por edhe të huajt duhet të kenë prezencë fizike periodike me asistencë pranë Agjencisë së Sigurimit të Cilësisë në Arsimin e Lartë dhe në universitetet shqiptare.
Faktikisht, 11 anëtarët e Bordit të Akredimit të institucioneve të Arsimit të Lartë që ka emëruar kryeministri Edi Rama me përzgjedhje prej tij, janë personalitete në fushat e tyre.
Por ata janë rezidentë të përhershëm dhe punojnë jashtë Shqipërisë, ndërkohë që duhet të jenë pjesë aktive fizike në veprimtarinë mbikëqyrëse e orientuese të Agjencisë së Sigurimit të Cilësisë në Arsimin e Lartë dhe në univesiteve, akademi e kolegje.
Anëtarët e Bordit të Akreditimit të Institucineve të Arsimit të Lartë
SHQIPONJA TELHAJ/ Jeton në Londër, punon në Universitetin Sussex dhe në Shkollën e Ekonomisë, pjesë e projektit për autonominë shkollore dhe tregun e punës për mësuesit në Angli.
INDRIT HOXHA/ Jeton në Pensilvani- Amerikë dhe punon në Shkollën e Administrimit të Biznesit në “Penn State Harrisburg”.
DARINKA PIQANI/ Jeton në Holandë dhe punon në Universitetin Leiden.
DRITAN NAÇE/ Jeton në Compiègne të Franës dhe punon në Universitetin e Teknologjisë atje.
MIRJETA BEQIRI/ Jeton në Spokane-Uashington, punon në universitetin “Gonzaga”.
NIKOLLA QAFOKU/ Jeton në në Richland-Uashington, punon në kompaninë “Pacific Northwest National Laboratory”.
KITA SALLABANDA DIAZ/ Jeton Spanjë, punon në universitetin Complutense të Madriidit.
LORETA KONDILI/ Jeton në Romë- Itali, punon në Institutin e Lartë të Shëndetit.
TOMAS JELENSKI/ Shtetas polak, jeton në Krakovë dhe punon në Universitetin e Teknologjisë atje.
MAURICE OUDEJANS/ Shtetas holandez, punon menaxher projektesh në Fakultetin e Ekonomisë dhe Biznesit në Universitetin e Amsterdamit.
IRAJ HASHI/ Shtetas iranian, ka punuar në Universitetin “Simon Fraser” në Kanada, në Shkollën e Biznesit në Teheran dhe në Den Haag-Holandë.
Në profesionet dhe sipas karrierave të tyre, këta janë figura të vlerësuara, por në Bordin e Akreditimit të univesiteteve publike e private në Shqipëri, duket sikur kanë rol “noterësh”, që firmosin raportet e dërguara nga Agjencia e Cilësisë së Arsimit e Lartë.
Në shumë raste, raportet janë me vlerësime fiktive e klienteliste, sidomos për universitete, akademi e kolegje private, të cilët nuk plotësojnë standardet arsimore ndërkombëtare sipas modelit e cilësisë “Universiteti 4.0”, duke ngelur akoma pak më lart se niveli “zero”. / Pamfleti
