21 deputetë kanë munguar plot 84 ditë, duke detyruar administratën e Kuvendit tu mbajë pagat. Kështu Kuvendi i Shqipërisë ka kursyer vetëm gjatë muajit dhjetor 8 600 euro, duke përfituar nga mungesat pa arsye të deputetëve në aktivitetet parlamentare.
Sipas informacioneve, me 12 ditë mungesa brenda një muaji, kryeson Tatjana Piro, deputete e Partisë Socialiste në qarkun e Fierit. Pas saj, në vend të dytë është Agron Çela, biznesmeni që u zgjodh deputet me LSI-në, dhe më pas u bashkua me Ramën. Atij i janë mbajtur 1100 euro nga paga e dhjetorit. E treta është Monika Kryemadhi, e cila ka munguar 11 ditë dhe gjatë këtij muaji është shfaqur më së shumti duke u përballur me drejtësinë në dyert e SPAK.
Deputeti Agron Shehaj ka munguar 10 ditë në Kuvend, duke mos marrë 1 mijë euro nga paga e tij. Lista vazhdon me kryetarë dhe deputetë të partive të vogla, të cilët po ashtu nuk kanë treguar interes të plotë për Kuvendin si Dashamir Shehi, Shpëtim Idrizi, Fatmir Mediu, Agron Duka, Vangjel Dule e Lulzim Basha.
I penalizuar është po ashtu dhe kreu i Partisë Demokratike Sali Berisha, i cili mësohet se ka munguar në 3 aktivitete, dhe i janë hequr nga paga 300 euro. Mësohet e në këtë listë, nuk janë llogaritur mungesat e kryeministrit Rama dhe ministrave me mandat deputeti, sepse ata paguhen nga qeveria dhe jo nga Kuvendi.
j.l./ dita
