Në episodin më të fundit të podkastit N’xhiro me Syçin, Ilir Demaliaj mirëpriti Endri Shabanin, kryetarin e koalicionit “Nisma: Shqipëria Bëhet”, për një bisedë të drejtpërdrejtë dhe pa dorashka mbi realitetin politik dhe institucional në Shqipëri.
Shabani thekson se vendi nuk ka ndërtuar ende një shtet modern të së drejtës, por vijon të sundohet nga struktura klanore dhe një mentalitet feudal që e konsideron pushtetin si pronë private.
Ai denoncon mënyrën se si janë kryer privatizimet, shkatërrimi i pronës publike dhe natyrës, dhe e quan dështim të madh paaftësinë për të modernizuar administratën shtetërore. Sipas tij, përgjegjësitë shtrihen si tek qeverisja aktuale, ashtu edhe tek opozita, e cila vazhdon të sillet si një familje feudale në trashëgimi.
